BAKI, 30 iyun — Sputnik. Böyük Britaniya və Şimali İrlandiya Birləşmiş Krallığının daxili işlər naziri Tereza Mey baş nazir postuna namizədliyini irəli sürüb. Sputnik xəbər verir ki, bu barədə "İndependent" qəzeti məlumat yayıb.
Qəzetin xəbərinə görə, Tereza Mey qatıldığı konfranslardan birində belə deyib: "Mühafizəkarlar Partiyasının lideri və Britaniyanın baş naziri olmaq uğrunda mübarizəyə başlayacağam".
Xanım siyasətçi üç səbəbə görə namizəliyini irəli sürüdüyünü vurğulayıb: "Referendumdan sonra ölkəmizin etibarlı və güclü rəhbərliyə ehtiyacı var, partiya və dövlətimizi birləşdirəcək rəhbərliyin olması vacibdir, ölkəmizin gələcəyinə cəsur, müsbət və yeni yanaşmalar lazımdır".
Qeyd edək ki, iyunun 23-də Britaniyanın Avropa İttifaqında qalıb-qalmaması məsələsi ilə bağlı referendum keçirilib. Həmin referendumda seçicilərin 51,8 faizi ittifaqdan çıxmağın, 48,2 faizi isə qalmağın lehinə səs verib.
Bu siyasi kampaniyanın nəticəsi elan olunduqdan sonra hazırkı baş nazir Devid Kameron üç ay ərzində öz və hökümətinin istefa verəcəyini bildirmişdi. Birləşmiş krallıqda Baş nazirin sentyabrın 2-də seçilməsi nəzərdə tutulub.
