BAKI, 27 iyun — Sputnik. Bu ilin iyun ayına kimi İrandan Azərbaycana 74890 nəfər səfər edib. Mədəniyyət və Turizm Nazirliyinin mətbuat xidmətindən Sputnik-ə verilən məlumata görə, Azərbaycana gələn iranlı turistlərin sayı günü-gündən artır.
Verilən məlumata görə, 2015-ci ilin müvafiq dövründə bu rəqəm 61 096 nəfər olub. Yəni 2016-cı ildə ötən ilin müvafiq dövrü ilə müqayisədə Azərbaycana səfər edən İran vətəndaşlarının sayı 23% artıb.
Qeyd edək ki, İran vətəndaşlarının səfəri daha çox Novruz bayramına təsadüf etdiyindən ən çox artım 87 faiz olmaqla mart ayı ərzində qeydə alınıb.
