BAKI, 24 iyun — Sputnik. "Bu gün Avropa və Böyük Britaniya üçün kədərli gündür". Bunu Almaniyanın xarici işlər naziri Frank-Valter Ştaynmayer Britaniyanın Avropa İttifaqından çıxıb-çıxmaması ilə bağlı keçirilən referendumun nəticələrini dəyərləndirərkən bildirib.
Almaniya kanslerinin müavini Ziqmar Qabriel isə "twitter" səhifəsində yazıb: "Lənət şeytana! Avropa üçün pis gündür".
Referendumun nəticələrini dəyərləndirən Finlandiyanın keçmiş baş naziri Aleksandr Stubb deyib: "Lütfən, mənə yatdığımı və pis yuxu gördüyümü deyin!".
Qeyd edək ki, referendumun nəticələrinə görə, seçicilərin 52 faizi Britaniyanın Avropa İttifaqından çıxmasına, 48 faizi isə qalmasına səs verib.
