BAKI, 22 iyun — Sputnik. Dünən gecə Hindistanın Bihar ştatında güclü ildırım çaxması nəticəsində ən azı 45 nəfər həyatını itirib. Sputnik Ria-ya istinadən xəbər verir ki, daha 10 nəfər insan xəsarət alıb.
Məlumata görə, ölənlərin sayı arta bilər. Çünki Bihar ştatında yaranan vəziyyət ziyan barədə məlumatların hakimiyyət orqanlarına gec gəlib çatmasına səbəb olur.
Hindistanın şərqində dolu ilə müşahidə olunan leysan yağışlar yağır. Yaxın bir neçə gündə pis hava şəraiti davam edəcək.
