BAKI, 19 iyun-Sputnik. Bu gün Bakıda keçirilən "Formula-1" üzrə Avropa Qran-prisi başa çatacaq.
Sputnik-in məlumatına görə, GP2 pilotları əsas yarışdan öncə sonuncu dəfə Bakı trekinə çıxıblar.
Pilotları "Formula 1"ə dəstək məqsədilə keçirilən yarışda ikinci yürüşlərini edəcəklər.
Yarışda bolidlərin start düzülüşü belə müəyyən edilib: iyunun 18-də keçirilən yürüşdə 1-8-ci pillələrdə yer alan sürücülər bu dəfə əks qaydada start xəttinə çıxıblar. Digər pilotlar isə birinci yarışın nəticələrinə uyğun olaraq düzülüblər. Yarışın vaxtı 45 dəqiqəyə və ya 120 kilometrə qədər endirilib.
Poul vəziyyəti qazanan pilot əlavə olaraq 4 xal, hər iki yarışda sürətli dövrə vuran pilotlar isə 2 xal qazanırlar.
GP2 iştirakçılarının ilk yürüşündə "Prema Racing" komandasından Antonio Covinatsi finişə birinci çatıb. ART komandasının üzvü Sergey Sirotkin ikinci, "Russian Time"dan Rafael Marçello isə üçüncü olub.
