Rahim Zakiroğlu-Sputnik Azərbaycan
BAKI, 16 iyun-Sputnik. Tələbə Qəbulu üzrə Dövlət Komissiyası iyunun 16-da Astara, Masallı, Lerik, Yardımlı, Cəlilabad, Biləsuvar, Şirvan, Salyan, Neftçala, Hacıqabul, İmişli, Saatlı, Sabirabad, Quba, Şabran Qusar, Quba, Xaçmaz, Siyəzən və eləcə də Lənkəran şəhərində orta ümumtəhsil müəssisələrinin buraxılı siniflərində təhsil alan IX və XI sininflərində təhsil alan şagirlər üçün buraxılış imtahanları keçirib.
Sputnik-in məlumatına görə, bu gün imtahanda ümumilikdə 45827 şagirdin (bunlardan IX sinif üzrə 25530, XI sinif üzrə 20297 şagird) iştirakı nəzərdə tutulub.
Lənkəranda 2119, Astarada 1193, Masallıda 2151, Lerikdə 664, Yardımlıda 710, Cəlilabadda 2373, Biləsuvarda 1414, Şirvanda 1054, Salyanda 1521, Neftçalada 780, Hacıqabulda 760, İmişlidə 1330, Saatlıda 1039, Sabirabadda 2016, Qubada 1977, Şabranda 675, Qusarda 1093, Xaçmazda 1999,Xızıda 166, Siyəzəndə 496 nəfər IX sinif şagirdlərinin imtahanda iştirakı nəzərdə tutulub.
XI sinif şagirdlərindən isə Lənkəranda 1872, Astarada 831, Masallıda 1648, Lerikdə 478, Yardımlıda 784, Cəlilabadda 1738, Biləsuvarda 1123, Şirvanda 732, Salyanda 1227, Neftçalada 657, Hacıqabulda 612, İmişlidə 1190, Saatlıda 782, Sabirabadda 1953, Qubada 1272, Şabranda 459, Qusarda 929, Xaçmazda 1576, Xızıda 93, Siyəzəndə 341 nəfər iştirak edib.
Lənkəranda buraxılış imtahanları rayonun 5 məktəbində — Lənkəran Şəhər 4 saylı məktəb-liseydə, Sütəmurdov kənd orta məktəbində, Liman Şəhər 1 saylı orta məktəbdə, Səpnəkəran və Vilvan kənd orta məktəblərində keçirilib.
IX-XI sinif şagirdlərinin buraxılış imtahanlarının keçirilməsi üçün ümumilikdə 74 imtahan mərkəzi ayrılıb.
Qeyd edək ki, Lənkəranda keçirilən imtahanlara nəzarət üçün 22 imtahan rəhbəri, 196 nəzarətçi-müəllim ayrılıb.
IX sinif şagirdlərinin imtahanları səhər saat 10:00-dan 12:00-dək, XI sinif şagirdlərinin imtahanları isə 15:00-dan 17:00-dək davam edib.
