BAKI, 11 iyun — Sputnik. Amerikanın Gizli Xidmət Təşkilatı (SSA) üzvləri ilə Məhəmməd Əlinin cənazə mərasiminə qatılmaq üçün ABŞ-a gedən Ərdoğanın mühafizəçiləri arasında mübahisə yaranıb.
Sputnik haberler-ə istinadla xəbər verir ki, hələ səbəbi bilinməyən mübahisədə Gizli Xidmət agentləri Ərdoğanın qoruma şefinə hirslənib və qısa müddətli itələmə hərəkəti yaşanıb.
Məhəmməd Əlinin cənazə mərasimində Ərdoğanın kəbə örtüyünün bir parçasını tabutun üzərinə qoymaq istədiyi, lakin buna amerikalılar tərəfindən icazə verilmədiyi bildirilir. "Biz sonra qoyarıq" deyə Ərdoğanın istəyinə rədd cavabı verilib.
Bundan başqa, Ərdoğanın və Türkiyənin Diyanət İşləri rəhbəri Mehmet Görmezin "Quran" oxumaq istəyinə də izn verilməyib. Ərdoğan bundan sonra proqramını yarıda kəsərək geri dönmək qərarına gəlib.
