CƏMİYYƏT
Cəmiyyətin həyatında baş verən aktual hadisələr

Məhəmməd Əli hansı azərbaycanlıya xatirə hədiyyəsi göndərdi?

© REUTERS / Andreas MeierBoksçu Məhəmməd Əli
Boksçu Məhəmməd Əli - Sputnik Azərbaycan
Abunə olmaq
Bakıda əfsanəvi boksçunun 3 mərasimi təşkil olunacaq. Ehsan süfrəsi sabah saat 19.00-da başlayacaq, ardınca iftar süfrəsi veriləcək.

BAKI, 9 iyun — Sputnik. Sabah Buzovna qəsəbəsində yerləşən Məşədi Qərib məscidində, Hacı Soltanın təşkilatçılığı ilə, əfsanəvi boksçu Məhəmməd Əlinin 3 mərasimi ilə əlaqədar ehsan süfrəsi veriləcək. Bu barədə Sputnik-ə Hacı Soltan məlumat verib.

Boksçu Məhəmməd Əli - Sputnik Azərbaycan
Əfsanəvi boksçu öldü

Ramazan ayı olduğu üçün, ehsan süfrəsi axşam saat 19.00-da başlayacaq, ardınca iftar süfrəsi veriləcək. Hacı Soltan əfsanəvi boksçu haqqında kitab yazdığını da qeyd edib.

"1997-ci ildə ilk dəfə olaraq Məhəmməd Əli haqqında kitab yazmışam. Boks Federasiyasının vitse-prezidenti Ağacan Abiyev də kitaba rəy yazıb. O, sonralar mənə Məhəmməd Əli ilə görüşə getmək təklifi etsə də, bəzi işlərimlə əlaqədar gedə bilmədim", — deyə Hacı Soltan bildirib.

Onun sözlərinə görə, əfsanəvi boksçu ilə görüşə gedə bilməsə də, Məhəmməd Əli ona öz imzası ilə, 300 rəsminin yer aldığı albomunu göndərib: "Bir sözlə, bizim qiyabi dostluğumuz olub".

Təşkilatçı sabahkı ehsan mərasiminə bir çox idmançıları və digər ictimai xadimləri də dəvət etdiyini bildirib.

Xəbər lenti
0