BAKI, 7 iyun — Sputnik. Son 2 ildə Azərbaycana 7 min 400 ədəddən artıq müxtəlif növ kənd təsərrüfatı texnikası alınıb gətirilib. Sputnik-in məlumatına görə, bu sözləri kənd təsərrüfatı naziri Heydər Əsədov deyib.
Nazir bildirib ki, alınan kənd təsərrüfatı texnikasının dəyərinin 40 faizinin ödənməsi ilə bağlı qərardan sonra bu istiqamətdə 60 milyon manatdan çox vəsait ayrılıb. Eyni zamanda, süni mayalama ilə doğulan hər bir buzova görə sahibkara 100 manat subsidiya verilməsi qərara alınıb. Artıq payız aylarında ödəmələrə başlanılacaq.
"Görülən işlərin səmərəliliyini artırmaq məqsədilə Süni Mayalama Mərkəzi yaradılıb və bir neçə aydan sonra istifadəyə veriləcək", —deyə nazir deyib.
