Hazırda Latviyada qadın və ya kişi cinsindən olmasına baxmayaraq bütün adların axırına (-s) hərfi qeyd olunur, belə ki məsələn, Miron adı Mirons kimi, Ruslan adı Ruslans kimi yazılmalıdır. Qanuna dəyişiklikdən sonra isə latış dilinin qramatikasına uyğun gəlməyən adlardan birdəfəlik imtina olunacaq.
Ədliyyə Nazirliyi hesab edir ki, bu addım ölkənin “demokratik quruluşunu” müdafiə etməklə yanaşı “Latviyanın digər sakinlərinin öz ana dillərində sərbəst danışmaq" hüquqlarını genişləndirəcək.
Qanunu layihəsinə martın 24-də nazirlik rəhbərlərinin iclasında baxılıb və hazırda digər müvafiq qurumlardan razılıq almaq mərhələsindədir. Sentyabrın 1-nə kimi o, Latviya Nazirlər Kabinetinin müzakirəsinə təqdim olunacaq.
“Bizim adlarımızı qaytarın!” hüquq-müdafiə təşkilatının sədri, Riqa Dövlət Dumasının deputatı Ruslan Pankratov “RİA-Novosti”yə deyib ki, yeni qaydalar beynəlxalq hüquq normaları ilə ziddiyyt təşkil edir. Onunu sözlərinə görə, yeni qanun Mülki və Siyasi hüquqular haqqında Beynəlxalq paktın pozulmasıdır. Onu da xatırlatmaq lazımdır ki, BMT-nini İnsan Hüquqları Komitəsi hələ 2010-cu ildə Latviyanı qeyri latış ad və soyadlarını təhrif etməkdə qınamışdı. "Latviyada isə hesab edirlər ki, BMT-nini bu qərarı tələb deyil, sadəcə tövsiyyə xarakteri daşıyır ", — deyə Pankratov şərh edir.
Latviyada yaşayan rusdilli Antonovlar ailəsinin başına qəribə əhvalat gəlib. Onlar yeni doğulmuş uşaqlarını Miron adlandırmaq istəsələr də rəsmi hakimiyyət buna icazə verməyib. Valideynlərə uşaqlarını Latviya qanunlara və latış dilinin qramatik qaydalarına uyğun olaraq "Mirons Antonovs" adlandırmaq təklif edilib. Amma iş orasındadır ki, "mironis" sözü latış dilində — "rəhmətlik" mənasını verir.
Valideynlər bununla razılaşmayaraq bir neçə il mübarizə aparsalad da faydası olmayıb. Ölkəninin məhkəmə sistemi də dövlətin maraqlarına uyğun qərar çıxarıb.
“Bizim adlarımızı qaytarın!” təşkilatı bununla bağlı Avropa İnsan haqları Məhkəməsinə müraciət edərək “Rus ad və soyadlarının Latviya pasportlarında təhrif olunması” iddiasını qaldırıb. Amma müraciət qaydasının prosedura cavab vermədiyini əsas gətirən Avropa Məhkəməsi işə baxmayıb. Çıxılmaz vəziyyətə düşən Antonovlar indi BMT-yə müraciət etməyə hazırlaşırlar.
Rəsmi məlumatlara görə Latviyada iki milyona yaxın adam yaşayır ki, onların da 44% rusdillidir. Latış dili ölkənini rəsmi dilidir, rus dili isə xarici dil kimi qəbul olunur. Bəzi hesablamalara görə ölkə əhalisinin təxminən 80%-ə qədəri rus dilini bilir.
