BAKI, 28 may — Sputnik. İmişlidə baş verən yol qəzasında 1 nəfər ölüb.
APA-nın məlumatına görə, hadisə gecə saatlarında rayonun Şahverdili kəndi ərazisində qeydə alınıb. “Mercedes” markalı avtomobil velosiped sürən rayonun Göbəktala kəndinin sakini, 1984-cü il təvəllüdlü Zabil Əmrahovu vurub. Nəticədə velosipedin sürücüsü ağır kəllə-beyin travması ilə, komatoz vəziyyətdə İmişli Rayon Mərkəzi Xəstəxanasına çatdırılıb.
Həkimlərin səyinə baxmayaraq o, səhər saatlarında xəstəxanada ölüb.
Faktla bağlı araşdırma aparılır.
