BAKI, 27 may-Sputnik. Qafqaz Müsəlmanları İdarəsi (QMİ) bu ilin Ramazan təqvimini ictimaiyyətə təqdim edib.
Sputnik-in məlumatına görə, QMİ-nin facebook səhifəsində Azərbaycanın bütün rayonları üzrə Ramazan təqvimi yerləşdirilib.
Təqvimdə ölkənin bütün rayonları üzrə imsak və iftar vaxtları qeyd olunub.
QMİ ötən gün müsəlmanların müqəddəs ramazan ayının başlanması münasibətilə fətva verib.
Fətvaya görə, bu il Azərbaycanda milad təqvimi ilə 7 iyun, hicri tarixi ilə ramazan ayının birinci gününə, Eydül-Fitr (Fitr bayramı) isə iyulun 6-na təsadüf edəcək və həmin gün ölkədə bayram namazı qılınacaq.
