BAKI, 26 may — Sputnik. Nyu-Yorkda "İrving Plaza" konsert salonunda naməlum şəxs insanlara atəş açıb. Hadisə reperlərin konserti zamanı baş verib.
Sputnik xəbər verir ki, bu barədə "The New York Times" qəzeti məlumat yayıb. Məlumata görə, hadisə dünən yerli vaxtla saat 22:00-da baş verib.
Nəticədə üç kişi və bir qadın yaralanıb. Onlardan birinin vəziyyətinin ağır olduğu bildirilir.
© Ruptly
Hadisənin başvermə səbəbləri haqda məlumat verilmir. Polis hadisəni törədən şəxsin axtarışına başlayıb.
