BAKI, 25 may — Sputnik. ABŞ-da prezidentliyə namizəd respublikaçı Donald Tramp Vaşinqton ştatında keçirilən ilkin seçkilərdə qələbə qazanıb. Sputnik CNN-ə istinadən xəbər verir ki, hazırda bülletenlərin 68%-i hesablanıb və onların 76,2%-i Trampın xeyrinədir.
Onun seçkiqabağı proseslərdə iştiraklarını dayandıran, lakin adları hələ də bülletenlərdə qalan rəqibləri Ted Kruz və Con Keysikə seçicilərin müvafiq olaraq 10% və 9,9%-i səs verib.
