İlham Mustafa, Sputnik Azərbaycan
BAKI, 23 may — Sputnik. Gəncə şəhərində Gənclər və İdman Nazirliyi tərəfindən, Dövlət Sərhəd Xidməti və Gəncə şəhər İcra Hakimiyyəti ilə birgə "Tarixin canlı səhifələri" IV Gənclər festivalı keçirilib. Sputnik-in bölgə müxbiri xəbər verir ki, tədbirdə Azərbaycanın qədim və müasir şanlı tarixinin xranalogiyası tamaşaçılara təqdim olunub.
Tədbirdən əvvəl iştirakçılar Azərbaycan mətbəxi, mədəniyyəti və tarixin müxtəlif zamanlarında yaşayış şəraitinin təsvir olunduğu səhnəciklərlə tanış olublar. 400 nəfər aktyor, tələbə, idmançının iştirak etdiyi festivalda, Babək, Cavad xan, Qara Yusif və Cahan Pəhləvan kimi tarixi şəxsiyyətlər canlandırılaraq, onların keçdiyi qəhrəmanlıq yolu və şücaətləri göz önünə gətirilib.
Təxminən iki saat davam edən festivalda xüsusi hazırlanmış dekorasiya və səhnə, iştirakçıların əvəzsiz oyunu tamaşaçıları bir daha qəhrəmanlar dünyasına səyahətə aparıb. Festivalın keçirilməsində məqsəd gəncləri vətənpərvərlik ruhunda tərbiyə etmək, xalqımızın hərb və döyüş tarixini gənclərə əyani olaraq çatdırmaqdır. Ümumilikdə 2 saata yaxın davam edən festivalda xüsusi hazırlanmış dekorasiya və səhnə, iştirakçıların əvəzsiz oyunu tamaşaçıları bir daha qəhramanlar dünyasına səyahətə aparıb.
Qeyd edək ki, Azərbaycan Respublikasının Prezidenti İlham Əliyev Gəncə şəhərinin "2016-cı il Avropa gənclər paytaxtı" seçilməsi ilə əlaqədar tədbirlər haqqında 24 fevral 2016-cı il tarixli Sərancam imzalayıb. "Tarixin canlı səhifələri" adlı festival isə 2014-cu ildən etibarən Gənclər və İdman Nazirliyi tərəfindən həyata keçirilir. Festivalın keçirilməsində məqsəd isə gəncləri vətənpərvərlik ruhunda tərbiyə etmək, xalqımızın hərb və düyüş tarixini gənclərə əyani olaraq çatdırmaqdır.
