BAKI, 20 may — Sputnik. Fransanın qalmaqallı "Charlie Hebdo" jurnalı bu dəfə "Eurovision" mahnı müsabiqəsinə "ilişib". Sputnik lenta.ru-ya istinadən xəbər verir ki, Fransanın satirik "Charlie Hebdo" jurnalı "Eurovision-2016" müsabiqəsində Ukrayna və Rusiyanı təmsil etmiş müğənniləri təhqir edib.
Məlumata görə, jurnal öz səhifəsində Ukrayna təmsilçisi, müsabiqənin qalibi olmuş Camala ilə rusiyalı müğənni Sergey Lazarevin donuz obrazında karikaturalarını yayımlayıb. Müəllif karikaturaya bu qeydləri əlavə edib: "Ukrayna "Eurovision"da Rusiyanı "döydü". İstedad siyasətə yenildi".
"Charlie Hebdo" jurnalı "Eurivision-2016" müsabiqəsində Ukrayna və Rusiyanı təmsil etmiş müğənniləri təhqir edib
© Photo : SOCIAL NETWORKS
