BAKI, 17 may – Sputnik. Avstriyanın paytaxtı Vyanada Rusiya və ABŞ-ın həmsədrləri olduğu Suriyaya Beynəlxalq Dəstək Qrupunun görüşü keçirilib.
Sputnik xəbər verir ki, Rusiyanın Xarici işlər naziri Sergey Lavrov ötən gün Avstriyanın paytaxtına gələrək, ABŞ dövlət katibi Con Kerri, Suriya müxalifətinin bir sıra qruplarının nümayəndələrilə danışıqlar aparıb.
Görüş zamanı tərəflər Suriyada atəşkəs rejiminin bərqərar olunması üzrə Rusiya-ABŞ razılaşmasının icra olunmasını müzakirə edib.
Razılaşmanın həyata keçirilməsinin müddəti, onun riayət olunmasına nəzarət, eləcə də Suriyada siyasi prosesin işə salınması kimi məsələlər diqqət mərkəzində olub.
