BAKI, 12 may — Sputnik. Giethoorn — Hollandiyanın Overijssel əyalətində yerləşən kiçik bir kənd. Küçələrin və prospektlərin yerinə çaylar və kanalların olduğu, 13-cü əsrdən qalma bir kənd.
Sputnik milliyet-ə istinadla xəbər verir ki, kəndin ətrafı kanallarla əhatələnib və nəqliyyat yalnız mühərriklərlə işləyən qayıqla təmin edilir. Sıx saatlarda qarşılaşacağınız tək bir nəqliyyat, kəndlilərin qoyunlarını otarmağa aparmaq üçün mindikləri qayıqlar olacaq.
Məşhur Niderland filmi olan "Fanfare" 1958-ci ildə burada çəkilib. Eynilə bir nağıl diyarı kimi görünən bu kəndin ən əhəmiyyətli xüsusiyyəti — nəqliyyat üçün hər hansı bir yolun olmamasıdır.
İrili-xırdalı 180-dən çox körpünün olduğu kəndin əhalisi 3 mindən azdır. Hər il turist axınına uğrayan bu kəndə gəlmək üçün elektrikli mühərriklə işləyən qayıqlara icazə verilir. Yanacaqlı mühərriklə işləyən qayıqlar da eynilə avtomobil kimi qadağandır.
Bu möhtəşəm kəndi "Nağıl kəndi"nə bənzədirlər. 13-cü əsrdən qalmış bu kənddə velosiped yolları da sonradan düzəldilib.
