BAKI, 11 may — Sputnik. Azərbaycan Respublikası Dövlət Neft Şirkəti (SOCAR) ildə 3-5 milyard kubmetrədək qaz almaq barədə Rusiyanın "Qazprom" şirkətinə təklif göndərib. Sputnik xəbər verib ki, bu barədə jurnalistlərə SOCAR prezidenti Rövnəq Abdullayev məlumat verib.
O, həmçinin "Cənub Qaz Dəhlizi" QSC-nin 7 mlrd. dollarlıq investisiya cəlb etmək niyyətində olduğunu da bildirib: "Biz bütün banklarla işləyirik. Bilirsiniz ki, "Cənub Qaz Dəhlizi" QSC 1 milyard dollar cəlb edib. Bu ilin sonuna qədər 1,5 milyard dolların cəlb olunması gözlənilir".
"Biz Avropa İnvestisiya Bankı, Avropa Yenidənqurma və İnkişaf Bankı, Asiya İnkişaf Bankı ilə əməkdaşlıq edirik. Ümumiyyətlə, biz 7 milyard dollaradək ucuz və uzunmüddətli vəsait cəlb etmək niyyətindəyik. İnanıram ki, proses normal şəkildə aparılacaq", — deyə R. Abdullayev qeyd edib.