Bütün dünya üzrə "Ölməz alay"ın yürüşləri keçirilir. İsrail, Moldova, Kipr, İtaliya, Çin, Avstraliya, həmçinin Azərbaycan vətəndaşları əllərində Böyük Vətən Müharibəsində döyüşmüş baba-nənələrinin şəkillərini tutaraq yürüş keçirirlər.
İldən-ilə aksiyanın keçirildiyi şəhərlərin sayı artır. Bu il Bakı da bu cərgəyə qoşulub.
Böyük Qələbənin 71-ci ildönümü günündə "Ölməz alay" aksiyasının təşkilatçıları, Azərbaycan Kazaklar Birliyi, "Qardaşlıq qəbri"nin önünə toplaşaraq burada dəfn olunan döyüşçülərin xatirəsini yad ediblər.
Həmçinin Retro Cars birliyinin nümayəndələri ilə birlikdə Qələbə Gününə həsr olunmuş avtoyürüş keçirilib.
