CƏMİYYƏT
Cəmiyyətin həyatında baş verən aktual hadisələr

Onlar ölümə qalib gəlmələrini qeyd edirlər

Abunə olmaq
"Nə sən məndən üstünsən, nə də mən səndən artığam. Səni insan dünyaya gətirib, məni ağacmı dünyaya gətirib? Mənə elə gəlir ki, dinlərin meydana gəlməsi insanları bir-birindən uzaqlaşdırdı""

Şahpəri Abbasova, Sputnik Azərbaycan

BAKI, 2 may — Sputnik. Azərbaycan tarixən tolerant ölkə olub. Tolerantlıq isə bizim üçün əvəzsiz bir dəyər, gələcək nəsillər üçün miras, beynəlxalq aləm üçün nümunədir. Burada hər bir kəs başqa dinlərə, onların ibadət ayinlərinə hörmətlə yanaşıb. Elə Azərbaycanın Şimal-Qərb bölgəsində, o cümlədən Qax rayonunda bu ənənə hər zaman qorunub.

Kəndimiz gürcülərin kompakt yaşadığı Kötüklü kəndi ilə qonşudur. Onların bütün bayramlarında, xeyir-şərində yaxından iştirak edirik, onlar da həmçinin bizim bayramlarımızı bizimlə birlikdə qeyd edirlər.

Sözügedən kənddə yaşayan pravoslav xristianlar Pasxa bayramını qeyd edir. Kənd camaaatı kilsəyə toplaşıb, dini ayinlər icra edir. Qaxda yaşayan pravoslavlar ötən həftəsonu yenidən kilsəyə toplaşıblar.

Qaxda yaşayan pravoslavlar Pasxa bayramını qeyd ediblər - Sputnik Azərbaycan
VİDEO
Qaxda yaşayan pravoslavların Pasxa bayramından video-reportaj

Bildiyimiz kimi, Sovet qadağalarından biri də dinin təbliği idi. Qadağalar bu kəndə də şamil olunmuşdu. Kəndin mərkəzində yerləşən kilsə digər dini yerlər kimi, kolxozun anbarına çevrilmişdi. Sovet rejimi dağıldıqdan sonra bütün dini obyektər kimi, bu kilsənin də təmirə ehtiyacı var idi.

Yaşlı kənd sakini Vera Berqaşivilinin sözlərinə görə, kilsənin təmiri kənd sakinlərinin köməkliyi ilə həyata keçirilib. Qeyd edək ki, Vera xanım uzun illər bu kənddə alman dili müəllimi olub.

"Kənd camaatı dedi ki, "biz sizin arxanızdayıq". Həmkəndlilərimin təşəbbüsü ilə pul yığıldı. Toplanmış vəsait hesabına kilsəni restavrasiya etdik" — gürcü xanım deyir.

O, dini ayrıseçkiliyin əleyhinə olduğunu bildirdi: "Mən eyni cəmiyyətdə və eyni məkanda dünyaya gələn, yaşayan insanların dini əqidə baxımında bir-birindən uzaqlaşmasını qəbul edə bilmirəm. Hamımız Adəm və Həvvanın övladlarıyıq. Nə sən məndən üstünsən, nə də mən səndən artığam. Səni insan dünyaya gətirib, məni ağacmı dünyaya gətirib?! Mənə elə gəlir ki, dinlərin meydana gəlməsi insanları bir-birindən uzaqlaşdırdı".

Vera xanım sonda ismarıc da ünvanladı: "Elə sizin müqəddəs kitabınız olan "Qurani-Kərim"də deyildiyi kimi, bütün insanların sülh və əminamanlıq şəraitində yaşaması üçün qardaşlığa, bərabərliyə çağırıram!".

Xatırladaq ki, Pasxa bayramı İsa Peyğəmbərin yenidən həyata qayıtmasına həsr edilib. Və bu hadisə xristian dininin başlanğıcı və məzmunudur. Bu gündə insanlar ölümə qalib gəlmələrini, həmçinin dünyanın və qəlblərinin yenilənməsini bayram edir və digərləri ilə bunları bölüşürlər. İsa Məsihin çarmıxa çəkildiyi xaçdan azad edildiyi gün kimi qəbul olunan Pasxa xristianlara günahlardan təmizlənmə vəd edir.

© Sputnik / Shahperi AbbasovaQaxın Kötüklü kəndində yaşayan pravoslav xristianlar Pasxa bayramını qeyd edir.
Qaxın Kötüklü kəndində yaşayan pravoslav xristianlar Pasxa bayramını qeyd edir - Sputnik Azərbaycan
1/9
Qaxın Kötüklü kəndində yaşayan pravoslav xristianlar Pasxa bayramını qeyd edir.
© Sputnik / Shahperi AbbasovaKənd camaaatı kilsəyə toplaşıb, dini ayinlər icra edir.
Kənd camaaatı kilsəyə toplaşıb, dini ayinlər icra edir - Sputnik Azərbaycan
2/9
Kənd camaaatı kilsəyə toplaşıb, dini ayinlər icra edir.
© Sputnik / Shahperi AbbasovaSovet hakimiyyəti illərində kəndin mərkəzində yerləşən kilsə digər dini yerlər kimi, kolxozun anbarına çevrilmişdi.
Sovet hakimiyyəti illərində kəndin mərkəzində yerləşən kilsə digər dini yerlər kimi, kolxozun anbarına çevrilmişdi - Sputnik Azərbaycan
3/9
Sovet hakimiyyəti illərində kəndin mərkəzində yerləşən kilsə digər dini yerlər kimi, kolxozun anbarına çevrilmişdi.
© Sputnik / Shahperi AbbasovaKənd sakini Vera Berqaşivilinin (fotoda mərkəzdə) sözlərinə görə, müstəqillik illərində kilsənin kənd sakinlərinin köməkliyi ilə təmir edilib.
Kənd sakini Vera Berqaşivilinin (fotoda mərkəzdə) sözlərinə görə, müstəqillik illərində kilsənin kənd sakinlərinin köməkliyi ilə təmir edilib - Sputnik Azərbaycan
4/9
Kənd sakini Vera Berqaşivilinin (fotoda mərkəzdə) sözlərinə görə, müstəqillik illərində kilsənin kənd sakinlərinin köməkliyi ilə təmir edilib.
© Sputnik / Shahperi AbbasovaTolerantlıq məkanı olan Azərbaycanda əsrlər boyu bütün dinlərin nümayəndələri dostluq və mehrinan qonşuluq şəraitində yaşayıblar.
Tolerantlıq məkanı olan Azərbaycanda əsrlər boyu bütün dinlərin nümayəndələri dostluq və mehrinan qonşuluq şəraitində yaşayıblar - Sputnik Azərbaycan
5/9
Tolerantlıq məkanı olan Azərbaycanda əsrlər boyu bütün dinlərin nümayəndələri dostluq və mehrinan qonşuluq şəraitində yaşayıblar.
© Sputnik / Shahperi AbbasovaBayram əsas atributlarından biri də şamlardır.
Bayram əsas atributlarından biri də şamlardır - Sputnik Azərbaycan
6/9
Bayram əsas atributlarından biri də şamlardır.
© Sputnik / Shahperi AbbasovaPasxa, qırx günlük oruc və ibadət müddəti olan Böyük pəhrizdən əvvəlki İsanın ehtirasının kuliminasiyasıdır.
Pasxa, qırx günlük oruc və ibadət müddəti olan Böyük pəhrizdən əvvəlki İsanın ehtirasının kuliminasiyasıdır - Sputnik Azərbaycan
7/9
Pasxa, qırx günlük oruc və ibadət müddəti olan Böyük pəhrizdən əvvəlki İsanın ehtirasının kuliminasiyasıdır.
© Sputnik / Shahperi AbbasovaTəqvimdəki mövqeyi və simvolikası baxımından Pasxa, qədim yəhudi bayramlarından biri olan Pesaxa əsaslanır.
Təqvimdəki mövqeyi və simvolikası baxımından Pasxa, qədim yəhudi bayramlarından biri olan Pesaxa əsaslanır - Sputnik Azərbaycan
8/9
Təqvimdəki mövqeyi və simvolikası baxımından Pasxa, qədim yəhudi bayramlarından biri olan Pesaxa əsaslanır.
© Sputnik / Shahperi AbbasovaBu bayram vasitəsi ilə qeyd edilən İsanın dirilməsi, xristian inancının əsas məqamlarından biridir.
Bu bayram vasitəsi ilə qeyd edilən İsanın dirilməsi, xristian inancının əsas məqamlarından biridir - Sputnik Azərbaycan
9/9
Bu bayram vasitəsi ilə qeyd edilən İsanın dirilməsi, xristian inancının əsas məqamlarından biridir.
Xəbər lenti
0