Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Bakı Yerevanın istəyini qəbul etmir: "Ermənistanla heç bir layihədə iştirak etmirik"

© Sputnik / Aleksey DanichevElektrik
Elektrik - Sputnik Azərbaycan
Xəbərlərə abunə olun
Areq Qalstyanın "bizim elektronlarımız Azərbaycan şəbəkəsindən keçə bilər" iddiası reallığı əks etdirmir. Həm ekspertlər təklifin reallaşmasını mümkün saymır, həm də rəsmi qurum belə bir əməkdaşlığı istisna edir.

BAKI, 15 apr — Sputnik. "Ermənistanın energetika və təbii sərvətlər nazirinin müavininin fizikanı bilib-bilmədiyini bilmirəm, amma görünür, məsələni siyasiləşdirmək istəyir. Elektrik enerjisi elə bir enerji məhsuludur ki, onun içində elektronların istehsalı yazılmır. Yəni, elektrik enerjisinin sürəti işıq sürətinə bərabərdir".

Azərbaycan prezidenti İlham Əliyev G20-nin Antalya sammitində - Sputnik Azərbaycan
İQTİSADİYYAT
Enerji təhlükəsizliyinə milli təhlükəsizlikdən ayrı baxıla bilməz

Bu fikirləri enerji məsələləri üzrə ekspert İlham Şaban Sputnik-ə açıqlamasında deyib. "Əgər dünyada ümumi bir şəbəkə olsaydı, tutaq ki, Ermənistanın Atom Elektrik Stansiyasından çıxardısa, dünyanı 7 dəfə dolaşa bilərdi. Dolaşan müddətdə haradan keçdi, hara getdi, kim ondan aldı, bir ölkədən girdi, o biri ölkədən çıxdı, bu o demək deyil ki, bu stansiyadan istifadə edildi. Bu, axmaq təxəyyülün məhsuludur", —deyə ekspert bildirib.

Onun sözlərinə görə, hazırda İranla Ermənistan bir-birilərini enerji ilə təchiz edir: "İran ilə Türkiyənin də enerji mübadiləsi var. Türkiyə ilə də Avropa Birliyinin enerji mübadiləsi var. Elə birdəfəlik deyərdi ki, Ermənistanın elektronları Avropa Birliyinin sonuncu nöqtəsindədir".

Azərbaycan Energetika Nazirliyinin mətbuat katibi Zəminə Əliyeva da Sputnik-ə deyib ki, erməni mətbuatı özlərinə sərf edən formada məlumatlar yayır: "Bu, mümkün deyil. Boş söhbətdir. Ermənistan ilə heç bir layihədə iştirak etmirik".

Qeyd edək ki, Ermənistan, Gürcüstan, İran və Rusiyanın energetika nazirləri, ilk olaraq ötən ilin dekabrında elektrik enerjisinin qarşılıqlı ötürülməsinin səviyyəsinin yüksəldilməsi, enerji sisteminin etibarlılığının və təhlükəsizliyinin təmin olunması məqsədilə dördtərəfli memorandum imzalayıblar. Ondan sonra daha bir görüş Ermənistanda olub, növbətisi isə Gürcüstanda keçiriləcək.

Areq Qalstyan, Ermənistanın energetika və təbii resurslar naziri - Sputnik Azərbaycan
"Ermənistanın elektronları Azərbaycanın şəbəkəsindən keçə bilər"
Ermənistanın energetika və təbii sərvətlər nazirinin müavini Areq Qalstyan məsələ ilə bağlı deyib ki, Azərbaycan hökumətinin İrəvan görüşündə təmsil olunmaması və sənədləri imzalamaması o demək deyil ki, bu ölkə regional proqramdan kənarda qalacaq: "Rusiya, İran və Azərbaycan paralel danışıqlar aparır. Bu danışıqların nə ilə bitəcəyini qabaqcadan demək çətindir, amma mən çox nikbinəm".

"Burada qısqanclıq səhnəsi təşkil etmək istəmirəm, amma istisna olunmur ki, bizim elektronlarımız Azərbaycan şəbəkəsindən keçsin", — deyə Qalstyan bildirib.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала