BAKI, 14 aprel-Sputnik. Rusiya prezidenti Vladimir Putin Rusiya vətəndaşlarının illik müraciətləri əsasında onlarla canlı bağlantı qurub. Sputnik-lə də yayınlanan canlı efirdə "Siz Ərdoğanla birlikdə Moskvada məscid açmışdınız, dostluq mesajları vermişdiz. Bu dostluq niyə düşmənçiliyə çevrildi?" sualına cavabında Putin Rusiyanın düşmənçilik etmədiyini deyib.
"Biz düşmənçilik etmirik. Bizim dünyanın əksər ölkələri ilə çox yaxşı əlaqələrimiz var. Biz Şanxay Əməkdaşlıq Təşkilatında, eləcə də digər beynəlxalq təşkilatlardakı ölkələrlə çox yaxşı əməkdaşlıq edirik. Qonşularla da əlaqələrimiz dinc və mehriban qonşuluğa, dostluğa əsaslanır", —deyə Putin vurğulayıb.
Türkiyəyə gəlincə isə, Rusiya Prezidenti bildirib: "Moskva Ankaranın dostu olaraq qalır. Türk xalqı bizim ən yaxın dostumuzdur. Bizim problemimiz bəzi siyasətçilərlədir".
12 yaşlı Varvara Kuznetsovanın "Əgər Poroşenko və Ərdoğan boğulsaydı, ilk olaraq hansını xilas edərdiniz?" sualına Putin belə cavab verib: "Siz məni çətin vəziyyətdə qoyursunuz. Əgər kimsə batmaq qərarına gəlibsə, onu xilas etmək mümkün deyil. Amma biz bunu istəyən istənilən adama yardım əlimizi uzatmağa hazırıq".
"Türkiyənin daxilində müharibə gedir. Türkiyə rəhbərliyi radikallarla mübarizə apardığı qədər də onlarla əməkdaşlıq edir", —Kreml rəhbəri əlavə edib.
Misir və Türkiyədə istirahət etməyin nə dərəcədə təhlükəsiz olduğu barədə suala cavabında Putin deyib ki, hazırda Türkiyədə istirahət etmək təhlükəlidir: "Türkiyənin cənubunda faktiki olaraq müharibə gedir. Demək olar ki, hər həftə terror baş verir. Harada zəmanət var ki, bizim vətəndaşlarımız orada təhlükəsizlikdə olacaqlar?".
Misirlə bağlı Putin əlavə edib: "Biz Misirdə baş verənləri görürük. Bizim adamlara ora səfər etməyin təhlükəli olduğu barədə deməmək hüququmuz yoxdur".
O, Rusiya ilə Misir arasında bu sahədə müzakirələrin açılmalı olduğunu qeyd edib: "Biz Misir hakimiyyəti ilə birlikdə elə yollar, təyyarə xidməti də daxil olmaqla, tapmalıyıq ki, bizim vətəndaşlarımızın səyahətləri təhlükəli olmasın".
Rusiya Prezidenti istirahət üçün Krım və Qafqazın daha etibarlı və təhlükəsiz olduğunu deyib.
