BAKI, 12 aprel-Sputnik. "Bank VTB (Ermənistan)" QSC bu ayın əvvəlində Azərbaycan və Ermənistan qoşunlarının təmas xəttində hərbi toqquşmalar nəticəsində həlak olmuş erməni hərbçilərin ailələrinin kredit müqavilələri üzrə öhdəliklərini sıfırlamağı planlaşdırmır.
Sputnik Report-a istinadla xəbər verir ki, bu barədə "VTB Qrup"dan bildirilib.
Məlumata görə, belə bir qərar qəbul edilməyib və qəbul olunması planlaşdırılmır.
Qeyd edək ki, Ermənistan mətbuatı "Bank VTB (Ermənistan)" QSC qoşunlarının təmas xəttində hərbi toqquşmalar nəticəsində həlak olmuş erməni hərbçilərin ailələrinin kredit müqavilələri üzrə öhdəliklərini ləğv etməsi ilə bağlı məlumat yaymışdı.
