BAKI, 1 aprel-Sputnik. Türkiyənin məşhur aktyoru, "Möhtəşəm Yüzil" serialında yaratdığı Sultan Süleyman obrazı ilə tamaşaçıların rəğbətini qazanan Halit Ergenc növbəti tarixi serialda rol alacaq.
Sputnik-in məlumatına görə, Halit Ergencin "1918 İzmir" adlı yeni serialda baş rolu oynayacağı bildirilir.
"Möhtəşəm Yüzil"dən sonra bir müddət serialda çəkilmək təkliflərini rədd edən aktyor, tarixi serial təklifinə yox deməyib.
Artıq serialın çəkilişlərinə hazırlıq prosesi başlayıb.
"1918 İzmir" serialının yaradıcı heyəti elə "Möhtəşəm Yüzil" serialının heyətidir. Filmin rejissoru Taylan Biraderlərdir.
Halit Ergenc serialda müsbət qəhrəmanı canlandıracaq. Ergencin qəhrəmanı Osmanlıda vətən uğrunda mübarizə aparan vətənpərvərdir.
Serialın çəkilişləri İzmirdə aparılacaq.
