BAKI, 31 mar — Sputnik. Bir filmlə milyonlarla dollar qazanan Hollivudun ulduzları bəzən insanı təəccübləndirir. Hər kəs onların göz qamaşdıran lüks avtomobillər sürdüyünü sanır. Amma onlar yaşadıqları ölkədə bir çox insanın ala biləcəyi ucuz avtomobillərə maraq göstərirlər.
Qazandıqları pullara baxmayaraq ucuz avtomobillər sürən o məşhurlar.
Sputnik haberler-ə istinadla xəbər verir ki, Leonardo Di Kaprio bəlkə daha əvvəl də Hollivudda tanınırdı amma 1997-ci ildə “Titanik” filmindən sonra şöhrət və pul qazandı. Yəni, O uzun müddətdir ki, Hollivudun ən çox qazanan məşhurlarından biridir. Amma sərvətinə baxmayaraq avtomobil seçimində çox təvazökar davranır. Məşhur aktyorun istifadə etdiyi avtomobil “Toyota Prius Hybrid”dir. Avtomobilin satış qiyməti 19.600 dollar ilə 20 min dollar arasındadır. Bu seçimini onun ətraf mühitə həssas olduğuna bağlayanlar da var.
Kameron Diaz da uzun müddətdir Hollivudda karyera və sərvət sahibidir. Amma 42 yaşındakı aktrisanın istifadə etdiyi avtomobil “Toyota Prius”dur. Diaz bu seçimində tək deyil. Çünki, bir çox həmkarı da eyni avtomobildən sürür. Bunlardan biri də Natali Portmandır. O da eyni markalı avtomobildən istifadə edir. Portman da ətraf mühitə həssas olduğu üçün belə bir seçim edib.
Daniel Redklif “Harri Potter” filmi vasitəsilə həm sərvət həm də şöhrət qazandı. Amma buna baxmayaraq onun da avtomobil seçimi daha qənaətcildir. O, 17 min 800 dollarlıq bir “Fiat Punto” sürür. Bu seçiminə ətraf mühitə həssaslığının da təsiri var.
Aktyor Klint İstvud köhnə avtomobilləri sevir. Uzun karyeraya və sahib olduğu sərvətə baxılsa, onun avtomobil seçimi də bəzi insanları təəccübləndirir. Onun bir neçə avtomobili var. Amma davamlı olaraq istifadə etdiyi 1990-cı illərdə aldığı “GMC Typhoon”dur. Bu avtomobilin satış qiyməti 26 min 500 dollardır.
Hollivudun son dövrdəki ən parlaq ulduzlarından olan Cennifer Lourens də pula pul demir. Son bir neçə il içində 40 milyon dollardan çox pul qazandığı deyilir. Amma istifadə etdiyi “Volkswagen Eos”u almaq üçün yalnız 35 min dollar ödəyib.
Castin Timberleyk də avtomobil seçimində təvazökar davranan məşhurlardan biridir. O, “Volkswagen Jetta” sürür. Bu avtomobilin qiyməti isə təxminən 16 min dollar ətrafındadır. Castin Timberleykin həm musiqidən həm də kinodan qazandığı sərvəti isə 200 milyon dollara yaxınlaşır.
Gələk facebook-un qurucusu Mark Zukerberqə. O, gənc yaşda inanılmaz bir sərvət qazanıb. Mark Zukerberq baha olmayan “Acura TSX” sürür.
Mel Gibson Hollivudun ən nüfuzlu və çox qazanan məşhurlarından biridir. Amma buna baxmayaraq avtomobil seçimində qənaətcildir. Gibson uzun müddətdir istifadə etdiyi “Toyota Cressida”dan əsla imtina etmir.
Kristen Stüart da gənc nəslin ən çox qazanan məşhurlarındandır. Amma həyatında sadəliyi sevir. Bunu gündəlik həyatındakı geyimindən anlamaq da çətin deyil. O, “Ford Ranger” sürür.
Zac Efron gənc yaşda sərvət qazanıb. Amma istifadə etdiyi avtomobil 1999-cu il modeli bir “Oldsmobile Alero”dur.
