BAKI, 28 mart — Sputnik. Pakistan polisi Lahordakı terror aktında əli olmaqda şübhəli bilinən 15 nəfəri həbs edib. Sputnik xarici mətbuata istinadən xəbər verir ki, həbs edilənlər arasında şəxsiyyəti müəyyənləşdirilən terrorçu-kamikadzenin üç qardaşı da var.
Xatırladaq ki, terrorçu-kamikadze martın 27-si axşam uşaq parkında üzərindəki partlayıcı qurğunu işə salaraq özünü partlatmışdı. Son məlumatlara görə, hadisədə 70 nəfər ölüb, 300-dən çox insan yaralanıb. Ölən və yaralananların əksəriyyəti qadın və uşaqlardır.
