BAKI, 14 mart — Sputnik. Türkiyənin səhiyyə naziri Mehmet Müezzinoğlu da Ankaradakı partlayışla bağlı açıqlama verib. Sputnik Türkiyə mətbuatına istinadən xəbər verir ki, artıq ölü sayı 37 nəfərə çatıb.
"Xəstəxanalarda dünən axşamdan etibarən 4 vətəndaşımızı, bu səhər saatlarında daha 3 vətəndaşımızı itirdik. Xəstəxanalarda itirdiyimiz vətəndaşlarımızın sayı 7 oldu. Həyatını itirənlərin sayı 37-yə yüksəldi", —deyə nazir bildirib.
Səhiyyə naziri xəstəxanalarda müalicələri davam edən yaralıların sayının da 71 olduğunu söyləyib.
