BAKI, 12 mart — Sputnik. Bu gün axşam saatlarında Quba rayonunda ölümlə nəticələnən yol nəqliyyat hadisəsi baş verib.
APA —nın verdiyi məlumata görə, qəza Quba —Xınalıq yolunun 34 —cü km —də, Qırızdəhnə kəndi ərazisində qeydə alınıb. İdarəetməni itirən “Niva” markalı maşın yoldan çıxaraq çaya düşüb. Qəza nəticəsində maşında olan iki nəfər dünyasını dəyişib, bir nəfər isə xəsarət alıb. Xəsarət alan şəxs 1992 —ci il təvəllüdlü Məlikov Elvin Məzahir oğlu Quba Mərkəzi Rayon Xəstəxanasına yerləşdirilib.
Faktla bağlı Quba rayon Polis Şöbəsində araşdırmalar davam etdirilir.
