BAKI, 12 mart — Sputnik. Səudiyyə Ərəbistanında 20 ölkənin əsgərlərinin meydana gətirdiyi İslam ordusunun ilk manevrləri başa çatıb.
Sputnik haberler-ə istinadla xəbər verir ki, “Şimalın göy gurultusu” adı ilə təşkil edilən manevrlər təxminən 3 həftə davam edib.
Manevrlərin keçirildiyi ərazinin girişində asılan lövhədə "Bu ordu nədir deyə soruşsanız, bu Məhəmməd ordusudur" yazır.
İslam ordusunun geyimləri diqqət çəkib. Geyimlərdəki hilal şəklindəki gerbin içində 'Allah' sözü yazılıb.
200 min əsgərin qatıldığı ilk manevr bütün dünya tərəfindən diqqətlə izlənilib.
