BAKI, 11 mart — Sputnik. Daxili işlər nazirinin birinci müavini postu yaradılıb.
Sputnik-in məlumatına görə, bu, “Azərbaycan Respublikası Daxili İşlər Nazirliyinin Əsasnaməsinin və strukturunun təsdiq edilməsi haqqında” Azərbaycan Respublikası Prezidentinin 2001-ci il 30 iyun tarixli 518 nömrəli Fərmanında dəyişikliklər edilməsi barədə Azərbaycan Respublikası Prezidentinin fərmanında əksini tapıb.
Daxili işlər nazirinin birinci müavini prezident tərəfindən təyin ediləcək.
Daxili İşlər naziri öz səlahiyyətlərinin həyata keçirilməsini birinci müavininə, nazir müavinlərindən birinə tapşıra bilər.
