BAKI, 4 mart — Sputnik. "Azərbaycanda problemli kreditlərlə bağlı məsələlər həll edilməlidir. Maliyyə Bazarlarına Nəzarət Palatası Mərkəzi Bank ilə əlaqəli şəkildə fəaliyyət göstərməklə mövcud problemlərin aradan qalxmasına təkan verəcək".
Sputnik xəbər verir ki, bunu bu gün parlamentin plenar iclasında millət vəkili Əli Məsimli deyib. Onun fikrincə, problemli kreditlər məsələsi həll olunmadıqca bankların sağlamalaşdırılması çətin olacaq: "Ona görə də qısa vaxtda problemlərin aradan qaldırılması üçün addımlar atılmalıdır".
