BAKI, 2 mart — Sputnik. İsmayıllı rayon Polis Şöbəsinin rəisi vəzifəsindən azad edilən Nizami Qocayev Ədliyyə Nazirliyi İcra Baş İdarəsinin Gəncə şəhəri üzrə icra idarəsinin rəisi təyin edilib.
APA-nın əldə etdiyi məlumata görə, bununla bağlı ədliyyə naziri Fikrət Məmmədov müvafiq əmr imzalayıb.
Nizami Qocayev bu gün xidmətdə olmanın son yaş həddi ilə bağlı İsmayıllı rayon Polis Şöbəsinin rəisi vəzifəsindən kənarlaşdırılıb.
Şöbənin rəisi vəzifəsini hazırda rəis müavini Şöhrət Kərimov icra edir.
