BAKI, 23 fev-Sputnik. "Aqat-R" Məhdud Məsuliyyətli Cəmiyyəti (MMC) "Türk Hava Yolları"nın (THY) Azərbaycan nümayəndəliyini məhkəməyə verib.
Sputnik "Report"a istinadla xəbər verir ki, MMC THY-yə qarşı ona dəymiş ziyanın ödənilməsi barədə tələb irəli sürüb.
2 saylı Bakı İnzibati-İqtisadi Məhkəməsi iddianı qismən təmin edib.
Qərardan narazı qalan "Türk Hava Yolları"nın Azərbaycan nümayəndəliyi apellyasiya şikayəti verib. Bakı Apellyasiya Məhkəməsinin qərarı ilə akt dəyişdirilmədən saxlanılıb. Daha sonra nümayəndəlik kassasiya şikayəti ilə Ali Məhkəməyə müraciət edib. İşə Azərbaycan Ali Məhkəməsində baxılacaq.
