BAKI, 18 fev-Sputnik. Ankarada baş vermiş terror aktı nəticəsində 28 nəfərin öldüyü, 61 nəfərinsə yaralandığı qeydə alınıb.
Sputnik-in məlumatına görə, Türkiyə paytaxtının mərkəzində yerləşən, hərbi qurumların və idarələrin yerləşdiyi Dövlət Məhəlləsindəki terror hücumu saat 18.30-da bomba ilə yüklənmiş maşınla həyata keçirilib.
Terrorçular İnönü Bulvarını Dikmən prospektinə bağlayan Mərasim küçəsində hərbi xidmət maşınlarının yanında bomba yüklü maşını hərəkətə gətirib. Ankaranın bir çox yerində eşidilən partlayışdan sonra iki hərbi xidmət maşını alov topuna dönüb.
Çankaya Köşkündə Ankaradakı terror hücumu ilə bağlı məlumat verən baş nazirin müavini Numan Kurtulmuş, 28 vətəndaşın həyatını itirdiyini təsdiqləyib. Kurtulmuş deyib ki, hücumun kim tərəfindən həyata keçirildiyi ilə bağlı əlimizdə məlumat yoxdur. Sosial şəbəkələrdə yanlış məlumatlar yayılır. Ankaradakı ikinci partlayış təhlükəsizlik qüvvələrinin şübhəli bir paketə müdaxiləsi nəticəsində baş verib.
Sosyal medyada #Ankara'daki patlama anına ait olduğu belirtilen görüntüler paylaşıldı. pic.twitter.com/XtLddvCKFj
— 140journos (@140journos) February 17, 2016
Ankarada çoxsaylı insan itkisi ilə nəticələnmiş terror aktından sonra Türkiyə prezidenti Rəcəb Tayyip Ərdoğan bu gün Azərbaycana planlaşdırılan səfərini təxirə salıb.
O, Azərbaycanda Türkiyə ilə Azərbaycan arasında Yüksək Səviyyəli Strateji Əməkdaşlıq Şurasının V iclasında iştirak edəcəkdi.
#Ankara'da askeri personelleri taşıyan servis araçlarına yönelik yapılan saldırıyla ilgili fotoğraflar paylaşılıyor. pic.twitter.com/J0zQQykfKi
— 140journos (@140journos) February 17, 2016
Ərdoğan Azərbaycan prezidenti İlham Əliyevə zəng edərək bu barədə məlumat verib. Nəticədə İlham Əliyev və Rəcəb Tayyip Ərdoğanın həmsədrliyi ilə keçirilməsi planlaşdırılan Türkiyə-Azərbaycan Yüksək Səviyyəli Strateji Əməkdaşlıq Şurasının V toplantısı da təxirə salınıb.
Ankara'daki patlamanın Dikmen Caddesi'ndeki Merasim Sokak'ta meydana geldiği bildirildi. (Kaynak: @celalcamur, NTV) pic.twitter.com/VOGvn6R76a
— 140journos (@140journos) February 17, 2016
Azərbaycan prezidenti İlham Əliyevin Ankarada baş vermiş partlayışdan sarsıldığını, həyatı itirənlərin ailə üzvlərinə başsağlığı verdiyini, yaralılara şəfa dilədiyini qeyd edib.
Türkiyənin baş naziri Əhməd Davudoğlu da sabah Brüsselə planlaşdırılan səfərini təxirə salıb.
