Люди на Площади фонтанов в Баку - Sputnik Azərbaycan
CƏMİYYƏT
Cəmiyyətin həyatında baş verən aktual hadisələr

"Hansı nazirin ailəsi tualetlə çarpayıların iç-içə olduğu otaqda yata bilər?"

Xəbərlərə abunə olun
Yandex newsTelegram
Bu yataqxana görənləri dəhşətə gətirir. Onun sakinləri ölüm təhlükəsi altında yaşayırlar. Rəsmilər isə bu unudulmuş insanları boş vədlərlə illərdir "yola verirlər"

Şəkildə gördüyünüz bu yataqxana Əhmədli qəsəbəsi ərazisində yerləşir. "Tağıyev kombinatı"nın keçmiş yataqxanası kimi tanınan "bina"da onlarla ailə yaşayır.

Sakinlər yataqxananın qəzalı vəziyyətdə olduğunu söyləyirlər. Ancaq çəkiliş zamanı gördük ki, yataqxana nəinki qəzalı vəziyyətdədir, hətta onun hər an uçması və böyük faciələrə səbəb olması risqi var.

Neft yatağında yanğın - Sputnik Azərbaycan
CƏMİYYƏT
Qəzada ölən neftçilərin ailəsinə 80 min manat kompensasiya ödəniləcək

Hər ailə, demək olar ki, bir otaqda yaşayır. Və təsəvvür edin, bu insanlar hamam-tualet olan otaqda yatır, yeməyi orada yeyir və evə gələn qonağı orada qəbul edirlər. Əgər otaq deyiriksə, bunu adi otaq kimi qəbul etməyin. Təsəvvür edin, evin içində gəzdiyiniz yerdə anidən alt mərtəbəyə düşmə ehtimalınız var.

Yeri gəlmişkən, 4-cü mərtəbədə çəkiliş apardığımız ərəfədə 3-cü mərtəbəyə yıxılmaqdan son anda xilas ola bildik. Evin ortasındakı dairəvi uçuq dəhşətli mənzərə yaratmışdı.

Armaturlar, beton qatı bərbad vəziyyətdə, nəmişlikdən isə içəridə durmaq mümkün deyil. Bu evlərdə mədəni ev heyvanı da yaşamağa çətinlik çəkər. Hətta evin içində mamırlar açıq şəkildə gözə görünməyə başlayıb. Rütubətdən binanın üzündə ağac da bitib.

Bu insanlar düşmən deyil. Öz qanımızdan, öz millətimizdən olan vətəndaşlardır. Dövlət onlara köçürülmə ilə bağlı dəfələrlə söz versə də, illərdir məsələ həllini tapmamış qalır.

"Hər gün ərizə yazırıq, hər gün icra hakimiyyətinə gedirik, bizə vəd etdikləri kompensasiya ilə maraqlanırıq. Ancaq konkret cavab ala bilmirik. Bizə özləri söz vermişdilər ki, yanvar ayının sonunadək probleminiz həll olunacaq və kompensasiya ödəniləcək ki, gedin özünüzə ev alın. Hanı bəs? Niyə səsləri çıxmır? Gözləyirlər ki, ölək, ondan sonra işə başlasınlar?!", —deyə yataqxana sakini Zülfiyyə İsmayılova Sputnik-in əməkdaşı ilə söhbətində bildirdi.

Xətai rayonu üzrə millət vəkili seçilən Fuad Muradovun bu həftənin sonu onlarla görüşəcəyini deyən sakinlər, bu görüşdən çox şey gözlədiklərini qeyd etdilər: "Millət vəkilini kim seçir? Xalq seçir. Biz seçirik. Ona görə seçirik ki, problemlərimizi həll etsin. Amma hələ də doğru-düzgün işlərinin şahidi olmamışıq. Biz burda ölümlə üz-üzəyik. Onlar isə isti otaqlarında rahat istirahət edirlər. Sanki heç nə olmamış kimi, məsuliyyətsiz yanaşırlar. Hansı nazirin ailəsi burada, tualetlə çarpayıların iç-içə olduğu otaqda 1 dəqiqə dayana bilər?".

Sakinlər dövlətin onlar üçün 45 min manat kompensasiya ayırdığını, lakin həmin pulların kimlərinsə cibinə getdiyini iddia edirlər: "Bu ərazidə biz qaldığımızdan başqa 2 yataqxana da var idi. Lakin ilk tikilən, ən qədimi və yararsız olanı bu idi".

Onların dediyinə görə, həmin digər yataqxanalar sökülüb, kompensasiyalar ödənilib: "Ancaq iş bizimkinə çatanda dedilər ki, pul yoxdur. Səbr edin, pul düzələndə verərik. Abid Şərifov açıq-aşkar deyir ki, "pul qalmayıb, olan kimi həll edəcəyik". Maraqlıdır, bəs bu qədər yeni tikililərə, saraylara pulu haradan tapırlar?".

Sakinlərin müraciət etdiyi dövlət orqanlarından onlara qəribə cavab da verilib. "Deyirlər ki, bizə ödənilməli olan və büdcədən ayrılan kompensasiya, ötən il Binəqədi rayonunda hündürmərtəbəli yaşayış binası yandıqdan sonra, şəhərdəki binaların təmirinə, üzlüklərinin təzələnməsinə xərcləndiyi üçün, pul qurtarıb. Anlamırıq ki, büdcədən ayırmalar konkret, ünvanlı olduğu halda, necə ola bilər ki, həmin vəsait başqa məsələyə sərf olunsun?!", —deyə sakinlər vurğuladılar.

© Sputnik / Fuad Hasanovİnsanlar hamam-tualet olan otaqda yatır, yeməyi orada yeyir və evə gələn qonağı orada qəbul edirlər.
İnsanlar hamam-tualet olan otaqda yatır, yeməyi orada yeyir və evə gələn qonağı orada qəbul edirlər - Sputnik Azərbaycan
1/11
İnsanlar hamam-tualet olan otaqda yatır, yeməyi orada yeyir və evə gələn qonağı orada qəbul edirlər.
© Sputnik / Fuad Hasanov"Tağıyev kombinatı"nın keçmiş yataqxanası.
Tağıyev kombinatının keçmiş yataqxanası - Sputnik Azərbaycan
2/11
"Tağıyev kombinatı"nın keçmiş yataqxanası.
© Sputnik / Fuad HasanovYataqxana sakinlərinin məişət səviyyəsi.
Yataqxana sakinlərinin məişət səviyyəsi - Sputnik Azərbaycan
3/11
Yataqxana sakinlərinin məişət səviyyəsi.
© Sputnik / Fuad HasanovBu evlərdə mədəni ev heyvanı da yaşamağa çətinlik çəkər.
Bu evlərdə mədəni ev heyvanı da yaşamağa çətinlik çəkər - Sputnik Azərbaycan
4/11
Bu evlərdə mədəni ev heyvanı da yaşamağa çətinlik çəkər.
© Sputnik / Fuad HasanovHətta evin içində mamırlar açıq şəkildə gözə görünməyə başlayıb.
Hətta evin içində mamırlar açıq şəkildə gözə görünməyə başlayıb - Sputnik Azərbaycan
5/11
Hətta evin içində mamırlar açıq şəkildə gözə görünməyə başlayıb.
© Sputnik / Fuad HasanovArmaturlar, beton konstruksiyalar bərbad vəziyyətdədir.
Armaturlar, beton konstruksiyalar bərbad vəziyyətdədir - Sputnik Azərbaycan
6/11
Armaturlar, beton konstruksiyalar bərbad vəziyyətdədir.
© Sputnik / Fuad HasanovÜçüncü və dördüncü mərtəbələr arasındakı uçuq əsl təhlükə mənbəyidir.
Üçüncü və dördüncü mərtəbələr arasındakı uçuq əsl təhlükə mənbəyidir - Sputnik Azərbaycan
7/11
Üçüncü və dördüncü mərtəbələr arasındakı uçuq əsl təhlükə mənbəyidir.
© Sputnik / Fuad HasanovRütubətdən binanın divarında ağac belə bitib.
Rütubətdən binanın divarında ağac belə bitib - Sputnik Azərbaycan
8/11
Rütubətdən binanın divarında ağac belə bitib.
© Sputnik / Fuad HasanovKöçürülmə ilə bağlı dəfələrlə söz verilsə də, illərdir məsələ həllini tapmır.
Köçürülmə ilə bağlı dəfələrlə söz verilsə də, illərdir məsələ həllini tapmır - Sputnik Azərbaycan
9/11
Köçürülmə ilə bağlı dəfələrlə söz verilsə də, illərdir məsələ həllini tapmır.
© Sputnik / Fuad HasanovAntisanitariya və yüksək rütubət insan sağlamlığı üçün də böyük təhlükədir.
Antisanitariya və yüksək rütubət insan sağlamlığı üçün də böyük təhlükədir - Sputnik Azərbaycan
10/11
Antisanitariya və yüksək rütubət insan sağlamlığı üçün də böyük təhlükədir.
© Sputnik / Fuad HasanovDəhşət filmlərindəki atılımış evləri xatırladan mətbəx əvəzi otaq.
Dəhşət filmlərindəki atılımış evləri xatırladan mətbəx əvəzi otaq - Sputnik Azərbaycan
11/11
Dəhşət filmlərindəki atılımış evləri xatırladan mətbəx əvəzi otaq.
Xəbər lenti
0