BAKI, 13 fev-Sputnik. Həftədə üç dəfə xatxa-yoqa ilə məşğul olmaq zehni qabiliyyəti yaxşılaşdırır.
Sputnik Cazibe-yə istinadla xəbər verir ki, Amerika alimləri yaşı 55-dən yuxarı olan 100 insan arasında apardığı araşdırmadan sonra bu qərara gəliblər.
Səkkiz həftə yoqa ilə məşğul olan yaşlı insanlarda intellekt səviyyəsinin yaxşılaşdığı qeydə alınıb. Onlar çətin testlərdən də uğurla keçiblər. Tədqiqatlar 55-79 yaş arası olan 108 insan üzərində araşdırma aparıblar. 108 insandan 61 nəfəri xatxa-yoqa, 47 nəfəri isə gimnastikanın adi növü ilə məşğul olub. Yoqa və gimnastika ilə məşğul olan insanlar arasında zehni fərq test nəticələrindən sonra müəyyən olunub.
Səkkiz həftədən sonra yoqa ilə məşğul olan insanlarda nəzərəçarpacaq dəyişiklik olub. Lakin gimnastika ilə məşğul olan təqaüdçülərdə heç bir dəyişiklik qeydə alınmayıb.
Tədqiqat qrupu xəbər verir ki, hər iki qrup arasındakı fərqə səbəb yaş, sosial status və demoqrafik amillər olmayıb.
Xatxa-yoqa qədim mənəvi ayindir, o, meditasiya və nəfəsalma məşqindən ibarətdir.
Bundan əvvəlki araşdırmalarda isə yoqanın qorxu, depressiya və stress hallarının da aşağı salması müəyyən edilib. Bu tədqiqatların nəticəsi sübut edir ki, yoqa sakitləşdirici effekt verərək əsəb sistemini qaydaya salır.
