BAKI, 26 yan — Sputnik. Harvard universitetində bir otaqda "Facebook"u qurub gənc yaşında adını ən zənginlər siyahısına yazdıran Mark Zukerberqin şkafında yalnız boz köynək və “kapüşonlar”ın olduğu ortaya çıxdı.
Sputnik Türkiyə KİV-lərinə istinadla xəbər verir ki, Mark Zukerberq şkafın fotosunu facebook hesabı üzərindən paylaşıb.
Facebook qurucusunun gündəlik həyatında yalnız köynək və “kapüşon”lu paltarlara üstünlük verdiyi bilinir.
Mark Zukerberqin daha əvvəlki şərhlərindən birində, "Həyatımı həqiqətən sakit yaşamaq istəyirəm. Buna görə də cəmiyyətə ən yaxşı xidmət etmək istisna olmaqla, mümkün qədər az qərar vermək istəyirəm" demişdi.
