BAKI, 24 yan — Sputnik. Almaniyanın Frayburq şəhərinin demək olar ki, bütün gecə klubları və diskotekaları qaçqınların üzünə bağlanıb. Bu barədə Badische Zeitung qəzeti yazıb.
Qəzetin yazdığına görə, bu günədək şəhərin bir neçə əyləncə mərkəzində qaçqınıarın qadınlara sataşması faktları qeydə alınıb. Bundan əlavə qaçqınların oğurluq və mühafizəçilərə bıçaqla hücum etmələri faktları da məlumdur.
White Rabbit gecə klubunun rəhbəri bildirib ki, qəbul edilmiş qərar ən doğru seçimdir. O, klubların təhlükəsizliyinin və prestijinin qorunması üçün başqa yol olmadığını vurğulayıb.
