BAKI, 28 dek — Sputnik. Azərbaycanda dollar və avronun məzənnəsində cüzi bahalaşma qeydə alınıb.
Bu barədə Sputnik Azərbaycan Mərkəzi Bankının dekabrın 28-nə olan rəsmi məzənnələr bülleteninə əsasən xəbər verir.
Belə ki, bu gün ABŞ dollarının rəsmi məzənnəsi 1,5561 (25 dekabr — 1,5550 manat) manat təşkil edib.
Manata nəzərən avronun məzənnəsi isə 1,7079 manat (25 dekabr — 1,7043 manat) olub.
Azərbaycan Mərkəzi Bankının İdarə Heyətinin dekabrın 21-də üzən məzənnə rejiminə keçidlə bağlı qəbul etdiyi qərar manatın ABŞ dollarına qarşı kəskin ucuzlaşmasına səbəb olub.
Məlumata əsasən, həmin gün dolların rəsmi məzənnəsi dekabrın 18-i ilə müqayisədə 47,63% və ya 0,501 manat artaraq 1,5500 manat olub.
