BAKI, 25 dek-Sputnik. Tarif (qiymət) Şurası "28 May" metro stansiyası — Heydər Əliyev Beynəlxalq Aeroportu marşrutu üzrə ekspress avtobuslarda sərnişindaşıma xidmətinin tarifinin yuxarı həddini 1,30 manat müəyyən edib.
Sputnik-in məlumatına görə, bu barədə qərar Tarif (qiymət) Şurasının 25 dekabr 2015-ci il tarixində keçirilmiş iclasında verilib.
Şura həmçinin hava nəqliyyatı ilə Gəncə-Naxçıvan reysi üzrə sərnişindaşıma xidmətinin tarifinin yuxarı həddini 49 manat səviyyəsində təsdiq edib.
Gəncə-Naxçıvan reysi üzrə sərnişindaşıma xidmətinin yuxarı həddi 39 manat idi.
