BAKI, 21 dek – Sputnik. “Yaxın günlərdə elektron mallar yeni məzənnəyə uyğun olaraq satılacaq”.
Bunu Sputnik-ə açıqlamada “Sunny Electronics” mağazasının meneceri Gülər Cavadova deyib.
Cavadova, bugünki gündə heç bir qiymət artımı olmadığını, ancaq yaxın günlərdən etibarən məhsulların bahalaşacağını bildirdi: “Hazırda satışda olan elektron mallar əvvəlki məzənnə ilə satılacaq. Ancaq bugündən etibarən mağazalara gətiriləcək məhsullar yeni məzənnəyə uyğun olaraq tənzimlənəcək”.
Mağazanın meneceri bahalaşmaya səbəb kimi, xaricdən gətirilən məhsulların dollarla alındığını deyib.
