BAKI, 16 dek-Sputnik. Rəsmi "Azərbaycan" qəzeti Azərbaycanın 16 illik ömrü olan qəzetlərdən biri "Paritet"-in redaksiyasının ləğv olunduğu barədə qərarı dərc edib.
"Paritet" qəzeti 1999-cu ilin avqust ayının 17-də yaradılıb. İctimai-siyasi qəzet olaraq həftədə 3 dəfə nəşr olunub. Qəzetin faktiki fəaliyyəti 2012-ci il dekabrın 20-də dayandırılıb.
Qəzetin sabiq baş redaktoru Cəmaləddin Quliyev həmin vaxt bildirmişdi ki, qəzet fəaliyyəti müvəqqəti dayandırılıb və bu barədə qərarı təsisçi qəbul edib. Təsisçi bu qərarın texniki-maddi problemlərlə əlaqədar olduğunu bildirib.
