BAKI, 7 dek-Sputnik. "Neft Daşları"nda baş verən qəza nəticəsində itkin düşmüş 3 neftçinin sualtı axtarışlarına başlanıb.
Sputnik xəbər verir ki, bu barədə jurnalistlərə "Azneft" İstehsalat Birliyin baş mühəndisi Balamirzə Ağarəhimov məlumat verib.
Ağarəhimov bildirib ki, axtarışlar "Geofizika" gəmisi ilə aparılır. Dünən axtarışlara başlamaq istəsələr də, güclü külək, suyun bulanıq olması səbəbindən bu effekt verməyib.
"Bu gün dənizin nisbətən sakitləşməsi imkan verir ki, bu axtarışları suyun altında da davam etdirək. İlk öncə axtarışlar 501 saylı, ondan sonra yaxın estakadalarda davam etdiriləcək. Bu sahədə FHN-in vertolyotları da axtarışları davam etdirir" — deyə Ağarəhimov əlavə edib.
