BAKI, 6 dek-Sputnik. Səhiyyə naziri Oqtay Şirəliyev "Günəşli" yatağının 10-cu dərin dəniz özülündə baş vermiş yanğın və qəza nəticəsində təxliyə olunan yaralıların vəziyyətini diqqətdə saxlamaq üçün Mərkəzi Neftçilər Xəstəxanasına gəlib.
Bu barədə məlumatı Sputnik-ə Mərkəzi Neftçilər Xəstəxanasının baş direktoru Leyla Seyidbəyli verib. O, yaralıların xəstəxanaya gətirilməsi, müayinə və müalicə prosesinin nəzarətdə saxlanılması üçün SOCAR-ın vitse-prezidenti Bədəl Bədəlovun da xəstəxanada olduğunu, yaralıların vəziyyəti ilə mütəmadi maraqlandığını bildirib.
Leyla Seyidbəyova hazırda xəstəxanada olan 8 nəfərin vəziyyətinin stabil olduğunu, həyatları üçün heç bir təhlükənin olmadığının bildirib.
Sputnik SOCAR-ın saytına istinadən xəbər verir ki, xəstəxanaya ümumilikdə 31 müraciət olunub, 22 nəfər ambulator müalicəyə cəlb edilib. 1 nəfər Yanıq Mərkəzinə göndərilib, 8 xəstə isə müxtəlif diaqnozlarla Mərkəzi Neftçilər Xəstəxanasının stasionarına qəbul edilib.
Stasionara qəbul olunan xəstələrin siyahısı verilib:
Rəcəbov Mərdan — qabırğa sınığı
Məmmədov Allahverdi — bazunun sınığı
Əliyeva Məlahət — bel fəqərəsinin sınığı
Hüseynov Rəşid — kəllə beyin silkələnməsi
Abbasov Mais — alın nahiyyəsinin kəsilmış, cırılmış yarası
Əliyev Ənvər — alın nahiyyəsinin burun göz altı yarası
Cəfərov Faiq — hipotermiya, başın yumşaq toxumaların əzilməsi
Orucov Atakişi — hipotoniya, yumşaq toxumaların əzilməsi
