BAKI, 5 dek-Sputnik. Nardaran qəsəbəsinə ictimai nəqliyyatın hərəkəti bərpa olunub.
Sputnik-in məlumatına görə, bu günə qədər avtobuslar qəsəbənin girəcəyində qurulmuş postlarda sərnişinləri düşürüb geri qayıdırdı. Bu gün isə artıq avtobusların qəsəbənin içərisinə hərəkətinə icazə verilib.
Hazırda 189 saylı avtobus bu istiqamətdə fəaliyyət göstərir.
Bundan əlavə 62 saylı avtobusun Sabunçu qəsəbəsinə daxil olmasına da icazə verilib. Son günlər Nardaran hadisələri zamanı xəsarət almış yaralılar Sabunçu xəstəxanasında müalicə olunduğundan, ora avtobusların daxil olmasına qadağa qoyulmuşdu.
