BAKI, 4 dek-Sputnik. "Günəşli" yatağındakı yanğın baş verən 10-cu dərin dəniz özülündə işçilərin təxliyəsi başa çatıb.
Sputnik SOCAR-a istinadən xəbər verir ki, artıq platformdakı bütün işçilər yanğın baş verən ərazidən çıxarılıb.
"İşçilər arasında ölən və xəsarət alan yoxdur" — deyə SOCAR-dan bildirilib.
Yanğın baş verən zaman platformada 42 nəfər olub.
Hazırda platformada yanğının söndürülməsi istiqamətində işlər davam edir.
Bu gün baş verən güclü tufan saat 17.40 radələrində "Günəşli" yatağındakı 10-cu dərin dəniz özülündə qaz xəttini sıradan çıxarıb, nəticədə yanğın baş verib.
İlk növbədə özüldəki işçilərin təxliyyə olunması istiqamətində tədbirlərə başlanılıb.
