BAKI, 4 dek-Sputnik. Gürcüstanın sabiq prezidenti Mixail Saakaşvilinin vətəndaşlığı ləğv olunub.
Sputnik-in məlumatına görə, bu barədə sərəncamın mətni Gürcüstan prezidenti Georgi Marqvelaşvilinin rəsmi saytında yerləşdirilib.
Dünən G. Marqvelaşvili Gürcüstan Ədliyyə Nazirliyindən rəy alıb. Həmin sənəddə ölkə başçısına müəyyən prosessual hərəkətlərlə əlaqədar M. Saakaşvilinin vətəndaşlığının ləğvi barədə tövsiyə yer alıb. G. Marqvelaşvili nazirliyin təklifini nəzərdən keçirib və müvafiq sərəncam imzalayıb.
Mixail Saakaşvili 2015-ci ildə Ukrayna vətəndaşlığını alıb. Hazırda Odessa vilayətinin qubernatoru vəzifəsində çalışır.
