BAKI, 2 dek — Sputnik. ABŞ Xəzinə Nazirliyi, İŞİD terror təşkilatı ilə Bəşər Əsəd rejiminin əlaqəsini sübut edən məlumat paylaşıb.
Nazirliyin məlumatına görə, Əsəd rejimi, Suriya əsilli rus vətəndaşı Corc Hasvani vasitəsilə İŞİD-dən neft alır.
"Bəşər Əsəd neft sahələrinə nəzarəti itirdikdən sonra, İŞİD-dən petrol almağa başlayıb. Suriyada anadan olan, rus vətəndaşlığı olan, HESCO şirkətinin rəhbəri Corc Hasvani, Əsədlə terror təşkilatı arasında vasitəçilik edir" deyə məlumatda qeyd olunur.
Bir müddət əvvəl, Türkiyə prezidenti Rəcəb Tayyib Ərdoğan da, Bəşər Əsədin İŞİD-dən neft aldığını söyləmişdi.
