BAKI, 30 noy-Sputnik. Rusiyalı məşhur rejissor Eldar Ryazanov vəfat edib.
Sputnik-in məlumatına görə, rejissor noyabrın 30-da 88 yaşında Moskva xəstəxanalarından birində dünyasını dəyişib.
Ryazanov noyabrın 29-da ürək çatışmazlığı diaqnozu ilə xəstəxanaya yerləşdirilmişdi.
Kinorejissor, ssenarist, SSRİ xalq artisti Eldar Ryazanov 1927-ci ildə Rusiyanın Samara şəhərində anadan olub. O, "Ünvansız qız", "Qusar balladası", "Şikayət kitabını verin", "İtalyanların Rusiyada qeyri-adi sərgüzəştləri", "Uğur ziqzaqı", "Qoca quldurlar", "Qəribə təsadüf və ya həmişə təmizlikdə", "İşdə məhəbbət macərası", "İki nəfərlik vağzal" filmlərini lentə alıb.
